Pas New York Times, edhe BBC ka vendosur te krijoje nje profil te ri pune ne stafin e saj: nje Social Media Editor. Vendimi eshte pjese e plani me te gjere permes te cilit televizioni britanik po perpiqet t’i hape dyert botes se social medias, ben te ditur The Guardian.
Redaktori i ri, qe do jete pjese e redaksise se Londres, do te ndihmoje organizaten te mesoje se si te eksploroje me mire social median. “Ashtu si dhe organizata te tjera lajmesh, edhe ne jemi vetem ne fillimet e dickaje qe eshte shume intriguese”, tha Nic Newman, pergjegjes i BBC per fushen e teknologjise dhe mediat e se ardhmes. “E kuptojme shume mire se social media luan nje rrol shume te rendesishem dhe me kete figure te re ne po koordinojme praktiken me te mire” per t’u ndjekur.
Majin e kaluar ishte New York Times qe i besoi zonjes Jennifer Preston rrolin e redaktores pergjegjese per social median, me qellimin qe te krijonte nje integrim me te mire mes medias tradicionale dhe mediave te reja. Nderkohe, veren e kaluar Sky News shkoi edhe me tutje kur emeroi Ruth Barnett si Korrespondente Twitter: edhe ketu qellimi ishte zbulimi i informacioneve te reja mbi lajmet e ores se fundit.
Edhe BBC ka tashme disa persona qe kontrollojne social median ne kerkim te lajmeve. Gjithsesi, detyra e redaktorit te ri fokusohet ne ndihmen qe duhet t’i jape televizionit te famshem britanik ne ndryshimin e menyres se punes, duke iu pershtatur me shume llogjikes se social medias. “Eshte e natyrshme qe nje njeri nuk mund ta arrije i vetem kete qellim”, thote Newman. “Te arrish teleshikuesin tend edhe permes nje social media do te thote ta konsiderosh ate akoma edhe me seriozisht, dhe kjo gje per BBC-ne eshte shume e rendesishme”.
Artikuj te ngjashem: