Po filloj seriozisht te mendoj se francezet kane disa veshtiresi ne kuptimin e logjikes se Internetit. Pas deshtimit te se ashtuquajturit ligji Hadopi kunder shkarkimive “ilegale” – thjeshte sepse teper i kushtueshem dhe i paaplikueshem – editoret franceze kane vendosur te krijojne nje motorr kerkimi si alternative ndaj Google persa i perket materialeve te faqeve te tyre, i cili duhet te jete gati brenda vitit.

Artikuj te ngjashem:

1. Google dhe 2009-a e zeze per lirine e fjales online
2. Shperthen Arianna Huffington: Murdoch qesharak, nuk di asgje per Internetin
3. As vete Google nuk u beson kercenimeve te Murdoch

Rritet gjithmone e me shume protesta e mediave italiane kunder projekt ligjit mbi pergjimet telefonike qe kufizon rende lirine e shtypit dhe lirine e qytetareve per te qene te informuar. Nese ky ligj hyn ne fuqi, gazetaret dhe botuesit qe do te publikojne pjese te pergjimeve telefonike te kryer nga hetuesit – qofte edhe kur ato jane publike, pra nuk ekziston sekreti hetimor – do te ndeshkohen me gjoba shume te renda.

Ne nje situate te tille, shume prej skandaleve politike dhe ekonomike qe media ka sjelle ne vemendjen e opinionit publik, do te mbesin ne heshtje te plote, deri sa te mbaroje e tere faza hetimore, gje qe ne Itali zgjat edhe me vite te tera. Persona qe kane abuzuar me pozicionin e tyre (disa ministra e zv. ministra deri pak me pare jane detyruar nga presioni publik te japin doreheqjen) do te vazhdojne te mbajne karriget e te keqperdorin mandatin qe u eshte besuar.

Per kete, “La Repubblica”, nje prej gazetave me te medha ne Itali, sot ka dalur ne treg me faqen e pare komplet te bardhe ne shenje proteste. Edicioni i lajmeve i SkyTv qe dje eshte ne zi. Gjithashtu, dy gazeta si “L’Unità” dhe “il Fatto Quotidiano” sot dolen ne treg me nje shirit te zi te krye te faqes se pare per t’u shpjeguar lexuesve se ligji ne fjale shkel rende nje prej principeve kryesore te demokracise, lirine e shtypit. “Kjo gazete eshte ne zi per shkak te goditjes vdekjeprurese qe ju dha lirise se qytetareve, te cileve ju hoq e drejta e pashmangshme per te ditur”, shpjegon il Fatto Quotidiano.

Ligji mbi pergjimet telefonike eshte kundershtuar edhe nga shume media prane qeverise se djathte te kryeministrit Berluskoni. TG5, edicioni i lajmeve te Canale 5, dje ne nje deklarate per shtyp tha se do te marre pjese ne greven e parashikuar me 9 korrik nga sindikatat e gazetareve.

Kundra ketij ligji jane shprehur edhe sindikatat e hetuesve dhe ato te forcave te rendit pasi ligji ne fjale kufizon gjithashtu edhe kohezgjatjen e pergjimeve dhe menyrat ne te cilat ato mund te zhvillohen.

Artikuj te ngjashem:

1. Shqiperia vendi i enderrave per gazetat? Ndoshta i perrallave!
2. “Mistreci” Mero Baze dhe liria e shtypit ne Shqiperi
3. Per te shpetuar gazetat online mjafton te paguajne 4% e lexuesve

Gazetat e huaja në Itali, Shqipëria mes së kaluarës e të ardhmes, sfidat e reja të gazetarisë e roli i saj në  formimin e opinionit publik,  e ritme rock që mbyllin ditën. Këto janë disa nga temat e takimit e datës 12 qershor në Modena i cili sheh pjesëmarrjen e rreth 25 shoqatave shqiptare aktive në Itali.

Çfarë është?
Është një takim që do bëhet të shtunën në datë 12 qershor në qytetin e Modena-s, në Itali. Fillon në ora 10.00 me konferenca e vazhdon deri në mesnate me koncerte.

Për çfarë flitet paradite? 10.00-14.00
Tema e paradites është ajo e gazetave të huaja. Italia ka njohur një emigrim të ashpër, i cili natyrisht, është trajtuar nga gazetat e mëdha e nga politika  me mënyra të ndryshme. Shumë prej nesh mendojnë që mënyra se si këta e kanë trajtuar problemin e emigrimit nuk është i saktë. Që shpesh herë kanë krijuar një imazh të Shqipërisë e të shqiptarëve që nuk i përkon realitetit. Pra kemi mendime të ndryshme.

Tani, ka ndodhur që disa djem shqiptarë një ditë kishin dy zgjedhje : të uleshin në një bar, të porosisnin dy kafe e të shanin  ata që i shanin apo, të çoheshin e të hapnin një gazetë online. Bënë të dytën. Gazeta quhet www.AlbaniaNews.it, është regjistruar në gjykate me vendimin kaq e aq etj etj. Në këto vite kjo gazetë është bërë e rëndësishme për komunitetin shqiptar e jo vetëm. Një ditë kanë takuar ca gazeta të tjera. Marokenë, ameriko-latine, kineze, afrikanë. Kanë themeluar diçka që quhet M.I.E.R që është një tip konfederate. Konfederata përmbledh shumë gazeta, radio, televizione bërë prej të huajve, ka edhe një peshë politike e arrin të përhapi zërin e saj kudo. Flitet për këtë pra. Flitet për gazetat që flasin për të huajt e gazetat në të cilat flasin të huajt. Flitet për faktin që shpesh herë të huajt përdoren si monedhë shkëmbimi për të rritur urrejtjen e për të korrur ndonjë votë. Kjo gjë, mendojmë ne, është gjë e keqe e nuk duhet bërë. Mendojmë se gazetat kanë një detyrë, e është ajo që të tregojnë të vërtetën. Pjesa e paradites pra flet për këtë. Do marrin pjesë drejtorët e gazetave lokale, përfaqësues të krahinës Emilia Romagna ( Italia është e ndarë në 20 krahina të cilat kanë një farë autonomie, Emilia Romagna është një nga këto e përfshin qytet si Bologna, Modena, Ferrara, Forli e Parma ), përfaqësues të bashkisë së qytetit të Modena-s, gazetarë free lance, politikanë.

Olti Buzi i www.Albanianews.it , Alessia Giannoni e Cospe, Barbara Burgalassi e rajonit  Emilia Romagna e  Azeb Lucà Trombetta e rrjetit MIER.

Giovanni Armillotta është një nga ata persona për të cilët pasioni për Shqipërinë nuk është një hobi me të cilin të mburret me miqtë nëpër darka. Është një nga ata që për Shqipërinë ( e për sportin shqiptar ) di me shumë gjëra se sa federata jonë shumëzuar për 100. Nëse nuk më besoni lexoni vete ( http://www.albanianews.it/giovanniarmillotta ) Do na tregojë për historinë e gazetave shqiptare në Itali, histori që ka rrënjë në vitet 30 e shkon deri në….12 qershor 2010. ( http://www.albanianews.it/italia/migrazioni/item/653-noi-albanesi-in-italia-il-primo-giornale-italiano-in-lingua-italiana-degli-anni-duemila-dedicato-allalbania )

Takimi vazhdon me kryeredaktoret e dy gazetave lokale, Barbara Manicardi e Roberta Vandini, respektivisht kryeredaktore te Resto del Carlino e Trc – Telemodena dhe Darien Levani i AlbaniaNews.it, moderuar nga gazetari Paolo Tomassone.

Për çfarë flitet mbasdite?  17.00 – 20.00
Mbasdite ka një takim shumë më letrar. Janë të ftuar disa shkrimtare italianë. Quhen Antonio Caiazza, Serena Luciani, Paolo Muner. Për  kuriozitet a për punë, kanë jetuar në Shqipëri në vitet 80 e në fillimet e viteve 90. Kanë parë një Shqipëri tjetër nga ajo që kemi parë ne, jo me të mirë a më të keqe, thjesht tjetër. Thonë që Shqipëria ka rënë në dashuri me ta e ata kanë rënë në dashuri me Shqipërinë e kjo u ka ndryshuar jetën. Duan të tregojnë për këtë dashuri. Por s’janë të gjithë, sepse të tregonim një Shqipëri të parë nga sytë e të huajve do tregonim një Shqipëri të cunguar. Kemi fatin e privilegjin të kemi me ne edhe zotin Visar Zhiti. Poetin, shkrimtarin, intelektualin, njeriun. Edhe ai ka pare një Shqipëri tjetër, edhe ai do na tregoje për të. Ju duket pak?

Për çfarë këndohet? 20.30-24.00
Këndohet përsëri për Shqipërinë. Kemi ftuar një grup arbëresh që quhet Peppa Marriti Band (http://www.albanianews.it/cultura/arte/item/1172-peppa-marriti-band ). Janë djem që kanë formuar grupin në vitin 1991 e prej gati 20 vitesh përcjellin rokun me të pastër që njohin duke e ndërthurur me gjakun e me historinë e tyre.

Përveç tyre këndon edhe Linda Rukaj (Linda në botën e Çudirave ), një zë ndryshe e i pavarur në panoramën shqiptare. Na behet qejfi që e kemi në veshje soliste. Një vajzë, një kitarë akustike, një skenë, ca këngë. Gjera të thjeshta, sepse gjerat s’kanë nevoje të jenë të komplikuara.

Kush e organizon?
E organizon stafi i gazetës AlbaniaNews.it. Iniciativa sponsorizohet nga Poste Mobile e Resi Group, dhe organizohet me mbështetjen e rajonit Emilia Romagna, të ambasadës shqiptare në Itali dhe të rrjetit Media Interculturali të Emilia Romagna. Promovohet nga Alba Media, Bota Shqiptare, Torino International Shqip, ASAT, USAB, Juvenilja, Scanderbeg Parma dhe Crossing Tv.

Shkarko programin e plotë
http://www.albanianews.it/italia/associazioni/item/1155-evento-albamedia

Nuk ka artikuj te ngjashem!

Jane te pakte ata qe e dine se e perditeshmja “Gazeta Shqiptare”, ne te vertete, nuk eshte hapur pas ardhjes se demokracise por ne nentorin e vitit 1927 si edicioni shqiptar i italianes “La Gazzetta del Mezzogiorno”. Kjo foto e rralle (poshte e gjeni te zmadhuar), e publikuar ne Facebook nga kryeredaktorja aktuale Anila Basha, deshmon pikerisht momentin e inaugurimit te selise se gazetes.

Numri i pare i “Gazeta Shqiptare” u publikua me 10 korrik 1927. Ishte nje e perditeshme qe varionte nga dy deri ne gjashte faqe dhe ne dy gjuhe, shqip dhe italisht. Sipas historianeve, “Gazeta Shqiptare” ne ate kohe ka luajtur nje rol te rendesishem ne perhapjen e kultures italiane dhe asaj fashiste ne Shqiperi.

Drejtori i saj i pare ishte Nicola Larusso Attoma, i cili mbajti kete detyre deri ne pushtimin e vendit tone nga Italia ne vitin 1939 kur edhe u emerua drejtor i zyres se shtypit prane Ministrise se Kultures dhe Propagandes. Praktikisht, pergjegjesi i ardhshem i çensures qe fashizmi aplikoi mbi gazetarine shqiptare te kohes.

Regjimi komunist i Hoxhes nuk i lejoi me publikimin, i cili rifilloi ne vitin 1993 fale gazetarit italian Carlo Bollino, gjithnje si e perditeshme dygjuheshe, shqip dhe italisht. Kjo deri ne vitin 1994 kur per here te pare doli ne treg vetem ne gjuhen shqipe dhe me nje kryeredaktor shqiptar.

Nentor 1927, inaugurimi i Gazeta Shqiptare

Artikuj te ngjashem:

1. Gazetare qe bejne pallate dhe ndertues qe bejne gazeta
2. Shqiperia vendi i enderrave per gazetat? Ndoshta i perrallave!
3. “Mistreci” Mero Baze dhe liria e shtypit ne Shqiperi

Nuk e di nese e vute re dje ne Tv, por edhe Zeri i Amerikes ka “zbuluar” kohet e fundit se liria dhe pavarasia e medias ne Shqiperi po kercenohet nga politizimi i saj. Disi me vonese, do te thoja, pasi problemet qe hasin aktualisht gazetaret shqiptare jane te njejtat qe kane shoqeruar te gjithe periudhen e demokracise.

Ne kroniken e djeshme te VoA-s (video poshte), redaktori i Top Channel, Mentor Kikia, flet per “skllaverim te medias” qe me hir e me pahir eshte kthyer ne “zedhenes te politikes duke qene njekohesisht edhe bashkefajtore ne kultivimin e kesaj klase politike ne Shqiperi”. Siç tregon vete Kikia, çdo dite ka dhjetera deklarata e kunder-deklarata dhe mediat u nenshtrohen atyre “pavaresisht se nuk perbejne lajm”.

E atehere, perse pranon zoti Kikia te dergoje gazetaret ne te ashtuquajturat “konferenca shtypi”, te cilat vetem te tilla nuk jane me, e ku personi qe del te flase thote pa asnje problem: “Nuk i pergjigjem pyetjeve!”? Cili eshte roli i gazetarit ne te tilla konferenca qe po behen gjithnje e me te modes? Maksimumi, do te mjaftonte vetem kameramani pasi keta persona jane aty vetem per kamerat.

Ndersa Martin Leka, me te drejte, thekson se problemi me i madh i medias ka filluar “qe kur ne Shqiperi kemi gazetaret qe bejne pallate dhe ndertues qe bejne gazeta. Ekonomia eshte ajo qe perben problemin kryesor ne gazetarine shqiptare”.

Se kush jane ndertuesit qe bejne gazeta pak a shume e dime te gjithe. Interesant eshte fenomeni i “gazetarit qe ben pallate”. Kam pershtypjen se keta jane te pakte ne numer, por ne pozicione kyçe. Jane ata qe drejtojne e kontrollojne redaksite e qe per te bere kete marrin rroga te nivelit europian.

Ka shume te drejte edhe gazetarja Valbona Sulçe kur thote se mediat shqiptare kane nevoje per mekanizma vete-rregulluese. Problemi eshte se edhe nese nje dite te tilla mekanizma do te krijohen, ne krye te tyre do te vendosen te njejtet “gazetare qe bejne pallate”.

Ata te gjoret qe injorohen neper konferenca shtypi nga politikani i rradhes e qe konsumojne shollen e kepuceve rrugeve te kryeqytetit nuk mund te bejne asgje. Pjesa me e madhe nuk ka nje kontrate pune e punon ne te zeze. Nuk kane as edhe nje ligj te sakte qe t’i mbroje. Ata te gjoret qe me punen e tyre mbushin minutazhet e edicioneve te lajmeve dhe faqet e gazetave, nuk kane ç’te bejne. Duhet te ulin koken nese duan te hane nje cope buke.

Artikuj te ngjashem:

1. Foto e rralle: Nentor 1927, inaugurimi i Gazeta Shqiptare

Me ndodh shpesh te lexoj shkrime per Shqiperine nga gazetare qe nuk e njohin gati fare vendin dhe thjeshte kane qendruar aty per disa dite. I fundit ne rradhe ka te beje me gazetarine shqiptare: Jean-Pierre Tailleur i EditorsWeblog duket i impresionuar nga numri i gazetave qe qarkullojne ne tregun tone, aq sa ne titullin e shkrimit te tij e cileson Shqiperine si “vendin e enderrave” persa i perket larmise se shtypit.

Ne te vertete, siç ndodh shpesh, sasia nuk eshte aspak sinonim i cilesise. Dhe as i pluralizmit te informacionit, sidomos ne nje treg kur shume media kopjojne gati hapurazi njera-tjetren.

Edhe vete fakti qe televizionet shqiptare i kushtojne nje hapesire te gjere pasqyres se shtypit – siç thekson dhe gazetari – nuk eshte tregues i rolit te rendesishem qe gazetat e perditeshme kane ne shoqerine tone. Eshte thjeshte nje menyre jo e kushtueshme per te mbushur hapesirat televizive, sidomos ne nje vend ku televizionet kane mbire si kerpudhat pas shiut por qe ne te vertete nuk kane asgje interesante per te ofruar.

E imagjinoni dot ne CNN apo BBC nje emision mbi gatimin si ai qe transmeton ne mengjes nje televizion “all news” si News24? Kjo e fundit solli e para ne Shqiperi formatin e ndarjes se ekranit ne disa mini-hapesira. Kopjimi dhe imitimi ne mase edhe nga televizione te tjera jane shenje e qarte e fuqise shume te vogel ekonomike qe kane mediat tona.

Per t’u kthyer tek gazetat, ne Shqiperi ato jane thjeshte nje arme presioni ne duart e pronareve te cilet shpesh kane biznese te tjera sidomos ne fushen e ndertimit. Dhe per te marre nje leje ndertimi qe po vonon te leshohet, nje muaj sulm ndaj kryebashkiakut te rradhes eshte i mjaftueshem per te zgjidhur problemin.

Siç thote edhe autori, “dy prej tre biznesmeneve qe themeluan Panoramen ne vitin 2003, aktive ne industrine e ndertimit, u larguan pas pak kohe per te hedhur ne treg te perditeshmet e tyre, Tirana Observer dhe Metropol”. Ndoshta bizneset e te treve nuk perputheshin dhe miku i njerit ishte armiku i tjetrit?

Dihet tashme se shume prej gazetave shqiptare preferojne te mbajne nje çmim te ulet pavaresisht se dalin me humbje. Sa me shume te shitet aq me e forte eshte arma e presionit! Para disa vitesh ka pasur edhe nje debat publik mbi kete teme mes Gazetes Shqiptare (qe ka nje çmim shume me te larte se te tjerat por me bilanc pozitiv) dhe Shekullit (çmim shume i ulet, bilanc negativ, por arme e forte). U kerkua atehere nje ligj per shtypin qe te vendoste rregulla te ndershme loje, por asgje nuk ka ndryshuar.

Ne te tilla kushte, pavaresia ekonomike (qe do te garantonte edhe ate gazetareske) mund te vinte nga rreklamat. Por edhe ketu, feta me e madhe e investimeve nuk vjen nga privati por nga shteti. Dhe para se te sulmosh pushtetin, duhet te besh mire llogarite ne xhep.

Ndaj dhe autori shkrimit te sipercituar nuk ka pse habitet me faktin se ne shtypin tone, perveç rastit te Gazeta Shqiptare, nuk ka investitore te huaj. E sidomos kur ky eshte vetem njeri prej problemeve me te cilat haset gazetaria shqiptare.

Te thuash me pas se Panorama ne vitet e fundit ja ka kaluar Shekullit ne shitje, nuk e di sa kuptim ka. Sidomos kur “burimi” i cituar eshte nje xhaxha qe shet ne nje pazar te Tiranes. Kjo jo per faj te gazetarit, por sepse nuk ka nje burim zyrtar mbi kete. Njesoj si me televizionet kur shesin hapesirat e rreklamave: te gjithe jane me i shikuari nga publiku dhe programet e tyre me te ndjekurat. Njekohesisht! Ndoshta shqiptaret kane zhvilluar aftesine te shikojne nga 4-5 televizione njeherazi!

Artikuj te ngjashem:

1. Gazetat italiane ne zi kunder ligjit qe shkel lirine e shtypit
2. Rrezikshmeria e presioneve per censure ndaj Shqiperia.com
3. Foto e rralle: Nentor 1927, inaugurimi i Gazeta Shqiptare

Ndersa ekonomia boterore po fillon te rimarre veten, nuk mund te thuhet e njejta gje per sektorin e shtypit, te pakten ate amerikan, i cili do te shohe gjate gjithe 2010-es shenjen minus. Jane parashikimet per 12 muajt e ardhshem per sa i perket medias, te kryera nga Martin Langeveld i Nieman Journalism Lab, laboratori i Harvard qe studion te ardhmen e gazetarise.

Fitimet e te perditeshmeve amerikane do te vazhdojne te jene negative, ndonese ne permiresim gradual. Te ardhurat nga reklamat ne shtypin e shkruar do vazhdojne te bien ndersa do te rriten ato qe vijne nga publiciteti ne gazetat online. Keto te fundit do te ofrojne lajmet e tyre falas edhe gjate 2010-es, pavaresisht nga fakti se mbi kete teme eshte diskutuar per nje vit te tere.

Asgje pozitive as persa i perket tirazhit qe do te vazhdoje te ulet edhe per shkak te rritjes se çmimit te gazetave dhe abonimeve. “Pronaret e kane kuptuar tashme qe shtypi i shkruar eshte nje elite per te cilen mund dhe duhet te paguhen”.

Nje situate, kjo, qe do te detyroje disa gazeta te famshme te blihen nga media te tjera. “Por, ashtu si dhe gjate 2009-es, Google nuk do te bleje New York Times ose ndonje gazete tjeter”.

“Local” duket se eshte kryefjala e vitit 2010. “Do te lindin gjithmone e me shume gazeta, jo vetem online, qe do te mbulojne me informacion rajone, qytete, lagje”, por mediat e medha qe do t’i afrohen ketij dimensioni nuk eshte e thene te kene sukses nese vazhdojne te aplikojne stilin e vjeter.

Me Facebook qe do te vazhdoje te rritet ne bote por gati ne kulmin e tij ne SHBA dhe perdoruesit e Twitter qe preferojne gjithmone e me shume aplikacionet e paleve te treta sesa faqen web, Langeveld nuk habitet nese nje dite Mark Zuckerberg dhe Evan Williams (respektivisht themelues i Facebook dhe Twitter) do t’i shtrengojne doren njeri-tjetrit.

Ne perfundim, 2010-a do te jete viti i boom-it persa i perket konsumimit te lajmeve nga celulari. Kjo tendence eshte shfaqur edhe gjate 2009: aplikacioni i AP per iPhone eshte shkarkuar nga disa milione perdorues (ndersa ne Itali kane shkuar mire edhe ato te la Repubblica dhe Corriere della Sera). “Nga fundi i 2010, kur te kete shume me teper perdorues te [te ashtuquajturve] smartphones, aplikacionet per lajme do te gjejne dhjetera milione perdorues te rinj”.

Artikuj te ngjashem:

1. Google dhe 2009-a e zeze per lirine e fjales online
2. The Times hap vallen: Ja si do te na paguani