Indrit Maraku » Twitter

Lajmi i doreheqjes (dhe pergenjeshtrimi) i nje kryeministri ne social media

Indrit Maraku — Tue, 08 Nov 2011 14:20:12 +0000

Nje Storify qe shpjegon si lindi ne social media lajmi mbi doreheqjen e kryeministrit italian Silvio Berlusconi qe, para se te pergenjeshtrohej nga vete i interesuari ne Facebook, beri Bursen te fluturonte. Nje fenomen i habitshem qe me shume se sa me mediat shoqerore si platforme ka te beje me kulturen e informacionit politik ne Itali.

Artikuj te ngjashem:

Media te reja, zakone te vjetra

Indrit Maraku — Tue, 12 Apr 2011 16:32:59 +0000

NiemanLab ka studiuar kohet e fundit mesazhet e publikuara ne Twitter permes The Daily, gazeta e Rupert Murdoch e disponueshme vetem ne iPad, sidomos persa i perket harkut ditor. Te dhenat qe dalin jane mjaft habitese, veçanerisht nese krahasohen me mesazhet (tweet, cicerime) e publikuara ne Twitter nepermet gjithe programeve te tjera (qofte per kompjuter, qofte per celuare) si dhe faqes web te platformes.

Ne tabelen qe shihni me poshte, grafiku blu perfaqeson cicerimat e publikuara nga brenda programmit te Daily-t, ndersa grafiku i gjelbert tere morine e cicerimave qe dergohen ne Twitter gjate 24 oreve (Eastern time). Cicerimat e derguara nga iPad arrijne dy kulme gjate dites: njeri heret ne mengjes nga ora 7:00 ne oren 8:00, tjetri ne darke nga ora 8:00 deri ne oren 10:00. Ndersa aktiviteti ne Twitter i atyre qe nuk perdorin programin e gazetes ndjek nje tendence komplet te ndryshme qe praktikisht perket me oret e punes, ku frekuenca me e larte arrihet nga ora nente e mengjesit ne oren pese te mbasdites.

Duke gjykuar nga keto te dhena mund te themi se leximi i The Daily nga ana e publikut te tij i ngjan tmerresisht atij te gazetave klasike te shtypura ne leter; thene ndryshe, ne mengjes heret para se te shkojme ne pune dhe ne darke kur kthehemi ne shtepi. Dhe kjo habit jo pak nese mendojme qe The Daily publikohet ne iPad, nje prej suporteve me “mobile” qe ekzistojne pas celularit e qe te lejon ta marresh kudo me vete.

Artikuj te ngjashem:

Lajmi i doreheqjes (dhe pergenjeshtrimi) i nje kryeministri ne social media

Sky News gazetareve: Instaloni te gjithe TweetDeck

Indrit Maraku — Thu, 07 Jan 2010 23:12:28 +0000

Sky News do te instaloje TweetDeck, programin me te famshem per Twitter, ne kompjuterat e te gjithe gazetareve te saj brenda nje muaji. Vendimi ne fjale eshte pjese e planit te ri qe synon nje perdorim me te madh te mediave shoqerore ne gjetjen dhe perhapjen e lajmeve.

Marsin e kaluar Sky News emeroi Ruth Barnett si pergjegjese per social median, nje pozicion qe shpejt u etiketua si “Twitter Correspondent”. Por tani qe perdorimi i perditshem i mediave sociale si burim per t’u informuar po rritet gjithmone e me shume, edhe televizioni i famshem ka vendosur t’i pershtatet koherave dhe te shtrije kete rrol ne te gjithe gazetaret e tij.

TweetDeck, i krijuar ne vitin 2008, eshte programi i pare per Twitter qe integroi “grupet”, nje menyre e thjeshte per te permbledhur kontakte te ndryshme. Perveç mundesise per te menaxhuar profile te ndryshme, kohet e fundit TweetDeck lejon edhe nje integrim me Facebook, MySpace dhe LinkedIn.

Gjithsesi, risite nuk mbarojne vetem me programet. Perveç profilit klasik te Sky News ne Twitter (ku shkojne lajmet e publikuara ne faqen online), para pak kohesh eshte krijuar edhe nje profil i ri, @skynewsbreak, ne te cilin do te publikohen lajme gati ne kohe reale dhe para se ato te shfaqen ne web faqen zyrtare.

Sigurisht, Twitter nuk eshte i vetmi social media qe gazetaret e Sky perdorin, por versatiliteti i tij “e ben nje must”, i shpjegoi Julian March i Sky News Online faqes Journalism.co.uk. “Nuk ka aq shume perdorues sa Facebook por ata marrin pjese aktivisht dhe kjo mund te shfrytezohet ne menyra te ndryshme”, tha ai.

Integrimi i faqes me Facebook Connect eshte ende ne listen e projekteve te ardhshme por “duhet te kemi kujdes ne kalimin nga nje platforme ne tjetren”, paralajmeron March. “Televizioni cilesor nuk behet duke transmetuar materiale cilesore nga Web-i. Duhet te jemi te vetedijshem mbi forcen e seciles platforme” dhe “te kuptojme se ne cilen prej tyre po veprojme”.

Artikuj te ngjashem:

Lajmi i doreheqjes (dhe pergenjeshtrimi) i nje kryeministri ne social media

Social Media, 10 momentet me te rendesishme te 2009-es

Indrit Maraku — Tue, 05 Jan 2010 16:17:21 +0000

Viti 2009 ishte me siguri shume i rendesishem per social median. Facebook siguroi supremacine e tij duke arritur mbi 350 milione perdorues ndersa Twitter pati nje boom fale shume personazheve te famshme qe filluan ta perdorin.

Por cilat kane qene momentet me te rendesishme per mediat shoqerore gjate 12 muajve te fundit? Los Angeles Times ka publikuar dhjeteshen e saj.

10. “Word of Web”. Ndersa njerezit filluan te kalojne gjithmone e me shume kohe ne sherbime si Facebook dhe Twitter, u rrit gjithashtu edhe diskutimi ne Web mbi produkte apo ngjarje te ndryshme. Fjala filloi te mos qarkullonte me vetem goje me goje por edhe permes Internetit. Ekspertet e quajne marketing “viral”.

9. Whopper Sacrifice. Facebook ishte me siguri platforma qe iu pershtat me shume kesaj tendence te re te marketingut dhe Burger King e shfrytezoi plotesisht ate. Loja e “Whopper Sacrifice” i kerkonte perdoruesve te Facebook qe te hiqnin nga lista e tyre 10 miq ne kembim te nje panine falas. Ne nje hark kohor prej dy javesh 233.906 “miq” thjeshte u zhduken nga profilet.

8. Google Wave. Per jave te tera shume prej nesh nuk lane shok pa iu lutur per te siguruar nje ftese. Google Wave ishte padyshim nje “must have” i vitit 2009. Gati nje kapriço prej femijesh, pasi kur ftesa me ne fund mberriti e perdorem ate shume pak: kjo per faj edhe te veshtiresise per t’u kuptuar, ngadalesise se sherbimit dhe perhapjes se paket. Nje gje eshte e sigurt: e-maili, qe duhej te vdiste me ardhjen e Wave, eshte ende gjalle e gezon shendet te plote.

7. Sulmohen Twitter dhe Facebook. Pikerisht kur ishte bere shume i rendesishem per te qarkulluar lajme nga e gjithe bota, sidomos nga zonat me te nxehta, me fundit e veres Twitter papritur u fundos per ore te tera. Me pas Facebook. Pastaj LiveJournal. Edhe YouTube. Cfare po ndodhte? Faqet me te medha te social network po pesonin nje sulm shume te ashper nga piratet e Internetit.

6. Ashton Kutcher vs. CNN. Me shume i njohur si i shoqi i Demi Moore se sa per gjera te tjera, Kutcher (@aplusk ne Twitter) sfidoi nje prej profileve me te ndjekura ne ate ne kohe ne Twitter, ate te CNN Breaking News: nese arrinte i pari 1 milion followers – premtoi – do te dhuronte nje shume me parà kunder malarjes. Fale edhe disa taktivave te tjera – si postimi i vitheve te se shoqes ne Twitter – arriti te fitonte.

5. Fenomeni Susan Boyle. Ishte me siguri nje prej produkteve me te arrira te asaj “Word of Web” per te cilen folem me lart. 48-vjeçarja skoceze, pak e shemtuar por me nje ze te mrekullueshem, kaloi brenda pak ditesh nga anonimiteti total ne nje fame boterore pas pjesemarrjes ne spektaklin televiziv “Britain’s Got Talent”. Video e saj ne YouTube ka qene me e shikuara e gjithe vitit.

4. R.I.P. Michael Jackson. Per rreth 1 ore mediat e medha u perpoqen te fitonin kohe e te tregonin kujdes mbi vdekjen e mbretit te pop-it. Kur konfirmimi zyrtar mberriti, ne Twitter qahej prej kohesh. Vdekja e nje prej artisteve me te medhenj te historise se muzikes ishte shembulli perfekt sesi lajmet e rendesishme qarkullojne ne Web me shpejtesi marramendese.

3. R.I.P. …falso! Ne disa raste ishte pikerisht kjo shpejtesi e Web-it qe perhapi lajme jo te verteta. Keshtu, shume personazhe qe NUK vdiqen vitin e kaluar paten mundesine te lexojne me syte e veta mbi zhdukjen e tyre te parakoheshme, perfshire ketu George Clooney, Britney Spears dhe Ellen DeGeneres.

2. Protestat ne Iran. Protestat e dhunshme politike qe pasuan zgjedhjet e veres se kaluar ne Iran gjeten shume perkrahes kudo ne bote. Shume perdorues te Twitter ndryshuan ose modifikuan imazhin e profilit te tyre me nje sfond te gjelbert, duke u bere pjese e nje rrjeti qe ndihmoi perhapjen e lajmeve qe vinin nga opozita e regjimit. Per shume kohe Twitter ishte gati i vetmi medium ku te kerkoje informacione nga Teherani dhe shume eksperte folen per nje “Twitter Revolution”.

1. Avioni ne lumin Hudson. Bota mundi te shikonte pamjet e para te avionit te ulur ne lumin Hudson (dhe te ndihmes se pare) fale fotografise se bere me nje iPhone e te publikuar ne Twitter nga Janis Krums. Nje tjeter shembull i te ashtuquajturit citizen journalism fale te cilit eshte bere e qarte tashme se asgje nuk mund te humbe vetem sepse ne ate moment nuk ka nje gazetar aty prane. Kushdo mund te jete nje reporter per nje moment dhe t’i japi lajmin mbare botes.

Artikuj te ngjashem:

Ja mediat qe perdorin me shume Twitter ne bote

Indrit Maraku — Sat, 26 Dec 2009 16:50:37 +0000

Tashme gati te gjitha redaksite me te rendesishme kane minimumi nje profil edhe ne Twitter. Por, cilat jane ato qe shfrytezojne me teper kete sherbim per te derguar informacionin tek publiku i tyre? Teqnolog ka bere nje klasifikim ku ne vend te pare gjendet Fox News, e ndjekur nga Huffington Post Politics dhe BBC News.

Eshte interesante te shohesh se si BBC Brasil (ne vendin e shtate) e perdor Twitter me shume sesa agjencia e njohur e lajmeve Reuters (ne vendin e tete) dhe me shume sesa Mashable (blogu me i famshem mbi social median, i 17-ti ne klasifikim).

Gjithsesi, siç nenvizon edhe Teqnolog, duke mbledhur bashke dy profilet e Huffington Post qe gjenden ne 10 vendet e para, blogu i famshem amerikan qe merret me politike dhe aktualitet do te thyente çdo rekord persa i perket numrit te mesazheve te publikuara ne Twitter, mbi 157939.

Ndersa tre profilet e BBC te mbledhura bashke do ti jepnin radio-televizionit publik britanik vendin e dyte me 141660 tweet.

Ja 25 profilet para ne baze te numrit te mesazheve:

1. 141,303 Fox News

2. 130,262 HuffPost Politics

3. 60,305 BBC News

4. 55,381 Australian Broadcasting Corp.

5. 48,421 BBCWorld

6. 40,156 NYT

7. 32,934 BBC Brasil

8. 29,918 Reuters

9. 29,464 Breaking News

10. 27,677 Huffington Post

11. 25,980 Guardian News

12. 24,882 Ars Technica

13. 23,429 ESPN

14. 23,031 Drudge Report

15. 22,198 TechGlance

16. 20,964 TweetMeme

17. 20,741 Mashable

18. 20,019 Al Jazeera English

19. 19,095 Engadget

20. 18,190 BrandRepublic

21. 17,363 BreakingNewz

22. 17,249 NYTimesArts

23. 16,056 ProBlogger

24. 16,948 TMZ

25. 16,172 BoingBoing

Nuk ka artikuj te ngjashem!

Me paguaj nese do qe te me lexosh ne Twitter

Indrit Maraku — Sat, 28 Nov 2009 10:50:23 +0000

Jo, jo… mua eshte shume nese me lexoni falas! Por se shpejti mund t’ju ndodhe me ndonje japonez. Partneri i Twitter ne Japoni (Digital Garage) qe prej janarit 2010 do te mundesoje perdoruesit e tij qe te lejojne leximin e mesazheve te publikuara kundrejt nje pagese.

Per te shikuar nje fotografi, permbajtjen e nje linku apo nje tekst te thjeshte, perdoruesit e Twitter ne Japoni do te mund te perdorin nje sistem mikropagesash qe shkon nga abonimet mujore deri ne formulen pay-per-tweet. Nderkohe vete Twitter do te perfitoje 30% te te ardhurave.

Ndersa pyesja veten per cfare lloj informacioni dikush do te paguante, gjeta ne TechCrunch lajmin qe Twitter kishte mundur edhe nje tjeter here median tradicionale, perfshire ketu CNN, ne lidhje me aksidentin automobilistik te kampionit te botes ne Golf Tiger Woods.

MG Siegler thote se e morri vesh lajmin nga BNO News qe i dergoi ne iPhone-in e tij, fale njoftimeve Push, kete tweet: “BULLETIN — REPORT: FAMED GOLFER TIGER WOODS SERIOUSLY INJURED AFTER CRASH NEAR FLORIDA HOME.” Me siguri nuk ka shume detaje, por duke qene nje Breaking News kjo eshte mese normale.

Siç theksonte autori i shkrimit, “fale Twitter, qindra njerez e morren vesh lajmin rreth 45 minuta para se te publikohej nga CNN”. Shume e shpejte edhe Google qe rreth 10 minuta pasi dolen informacionet e para ne Twitter, filloi te ofronte lajme nga gazetat lokale ku ndodhi aksidenti.

Normale, disa redaksi duhet te bejne te gjitha verifikimet e rastit para se te japin lajmin. Por fakti me i rendesishem ketu eshte se mbi ngjarjen ne fjale ekzistonte nje raport i policise lokale e qe BNO News e mori dhe e publikoi ne Twitter (permes profilit @BreakingNews) shume me pare se burimet e tjerat tradicionale te lajmeve.

Rreth 45 minuta pas mesazhit te pare ne Twitter, CNN me ne fund publikoi lajmin. Ja çfare thonte:

(CNN) — Golfer Tiger Woods was injured in a car accident near his home, Florida officials say.

E sakte, asgje me shume nga ç’kishte thene BNO News ne Twitter. Nese nuk ju besohet shikoni pamjen ne fund te artikullit.

Per t’u kthyer tek mesazhet me pagese, nese gazeta me fame boterore nuk arrijne te bindin lexuesit e tyre qe t’i paguajne, besoj se do te jete shume e veshtire (per te mos thene e pamundur) te bindesh dike qe te te paguaj per te te lexuar ne Twitter. Gjithsesi, te synosh tek shpejtesia e informacionit ndoshta mund te jete nje ide.

Artikuj te ngjashem:

Twitter nuk do me t’ia dije se cfare po ben ti

Indrit Maraku — Fri, 20 Nov 2009 05:19:30 +0000

Mjaft! Te gjithe ju egocentriket duhet te dine se Twitter-it nuk i intereson me se cfare po beni ju! Ndaj, mjaft me lajmet ne kohe reale nga banjo me pershkrimin e jashteqitjeve tuaja dhe pasi keni bere seks me mire ndizni nje cigare se sa te twitoni mbi pozicionet qe perdoret…

Dakort, dakort, po beja shaka! Por nje gje eshte e vertete: Twitter nuk ju shtron me pyetjen e tij klasike “What are you doing?” duke e nderruar me me koherenten “What’s happening?”.

Ne fillim, Twitter ishte menduar si nje menyre e thjeshte dhe e shpejte per te qendruar ne kontakt, permes shkembimit te disa mesazheve te shkurtra dhe te shpeshta, duke iu pergjigjur pyetjes “Cfare po ben?”. Ndryshe nga Facebook, ku para se te lidhin miqesi te dy perdoruesit duhet te jene dakort, Twitter ka prezantuar nje ide te re me nje natyre me te hapur, ate te te ashtuquajturit “follower”.

Pikerisht kjo natyre e Twitter ka bere te mundur qe perdoruesit ta shfrytezonin ate jo vetem per te shkembyer informacione personale por edhe per te ndare me te tjere lajme dhe informacione te cdolloji, biles edhe per te organizuar ngjarje. Nje natyre e hapur qe e ka transformuar kete sherbim ne nje “rrjet te ri informativ”, sic shpjegon Twitter ne blogun e tij, te cilit pyetja “Cfare po ben?” tashme po i rrinte ngushte.

Me te drejte, Twitter mendon se ky modifikim nuk do te ndryshoje menyren e perdorimit te platformes, “por ndoshta do te jete disi me e lehte t’ia shpjegoni babait tuaj”.

Nuk ka artikuj te ngjashem!

Funksioni ReTweet nga Twitter ngel ne klase: Ja perse

Indrit Maraku — Thu, 19 Nov 2009 10:00:51 +0000

Cfare kisha lexuar ne Rrjet me kishte mjaftuar per te me hequr entuziazmin mbi funksionin e ri ne Twitter, te ashtuquajturin ReTweet. Mbreme sherbimi i microblogging me beri “nderin” qe ta aktivizonte edhe ne profilet e mia dhe me mjaftoi vetem nje prove per te mos i dhene nje note kaluese. Ja perse sipas meje eshte me mire ta injorosh e te vazhdosh me menyren e vjeter:

E paja “JO” vjen nga fakti se i riu ReTweet i ben perdoruesit, sidomos ata me pak eksperience, te ndjehen disi te humbur. Te shohesh krejt papritur ne fluksin tend nje fytyre apo nje logo qe nuk e njeh te ben te mendosh se ke hyre gabimisht ne profilin e dikujt tjeter. “E kujt eshte kjo fytyre? …une nuk kam zgjedhur ta ndjek!”

Mbasi ke arritur te kuptosh, ndjenja qe ndjek ate te meparshmen eshte nje lloj bezdije, gati irritim. I vjetri RT eshte thjeshte nje menyre e bute dhe e sjellshme qe perdoret nga personat qe ti ndjek per te senjaluar dicka – te publikuar nga dikush tjeter – e qe mendojne se mund te te interesoje. Mund te klikosh mbi link apo te shohesh profilin e autorit origjinal, ose perndryshe ta injorosh. Por mbaron me kaq.

ReTweet, perkundrazi, eshte shume me i dhunshem: te perplas ne faqe te pare (duhet te kete nje arsye pse quhet “home”, shtepi!) jo vetem mesazhin e personit te trete, por edhe foton/pamjen e tij ne plan te pare. Njesoj si ato te personave te tjere qe ti me deshiren tende ke zgjedhur t’i ndjekesh. Personit qe ripublikoi mesazhin – pra atij qe ti njeh dhe ndjek – nuk i mbetet gje tjeter vecse emri, i shkruar me germa te vogla ne fund te mesazhit, dhe nje link.

Ketu siper mund te shikoni nje ReTweet te bere nga une, ose me mire ashtu si e kane pare ata qe e kane te aktivizuar kete funksion dhe siç do ta shohin te gjithe pas pak ditesh. Ndoshta ndonjeri prej jush e njeh @Mashable dhe nuk habitet shume, ndonje tjeter ndoshta e ndjek edhe ne profilin e tij. Por ketu problemi qendron ne faktin se te gjithe ata qe nuk e dine se per ke behet fjale kane pare kete te panjohur te futej ne shtepine (“home”!) e tyre e te zinte vend ne kolltuk, ndersa personi qe njohin e qe tashme i kane dhene besimin e tyre (ne kete rast profili im ne italisht @IndritMaraku) te rrinte te pragu i deres.

I vjetri RT donte te thonte: “Une, miku yt, te sygjeroj kete”. I riu ReTweet do te thote: “Miku yt ndjek kete profil”. Ndryshimi eshte i ndjeshem, por eshte varianti i pare qe i garantoi Twitter-it gjithe kete sukses. Diku lexova se funksioni i ri do te na beje te njohim perdorues te tjere interesante! Nuk e di ju, por per mua te pakten dikush nuk ka qene ndonjehere interesant per t’u ndjekur per shkak te fotos qe kishte ngarkuar ne profilin e tij, por per ato qe shkruante apo publikonte!

Ne fund, tjeter arsye e forte pse ReTweet nuk kalon klasen eshte se ai nuk lejon modifikimin apo komentimin e mesazhit origjinal, nje praktike kjo shume e perdorur ne Twitter per te shtuar dicka nga personaliteti yt. Pasi ke klikuar mbi butonin, mesazhi publikohet automatikisht, njesoj si origjinali.

Ja perse do te vazhdoj te perdor sistemin e vjeter RT @username. Po ju, cilin preferoni?

Nuk ka artikuj te ngjashem!

Si Twitter po ndryshon fytyren e medias

Indrit Maraku — Thu, 12 Nov 2009 10:00:28 +0000

“Ndryshimi me rrenjesor ne media gjate viteve te fundit eshte se tashme mund te kemi nje platforme qendrore dhe ne kohe reale qe forcon te gjitha platformat e tjera ne web. Sigurisht, mund te vazhdojme te perdorim RSS per blogjet, te rregjistrohemi per te ndjekur aktivitetin e dikujt ne faqe me video dhe foto, por – nese perdoret ne korrektesisht – Twitter ofron nje sherbim te vetem per te gjitha materialet e publikuara nga nje person. Na lejon dicka qe ne te shkuaren vetem kompani te medha mund ta kishin: rrjetin tone te publikimit. Nese je ne Twitter, e deri diku ne Facebook, je ne boten e publikimit”.

Soren Gordhamer punon si keshilltar per perdorimin efektiv te teknologjive dhe eshte autor i librit “Wisdom 2.0”. Kur lexova artikullin e tij ne Mashable mendova: ky njeri duket sikur te me kete lexuar mendjen… vetem se, ndryshe nga une, ka arritur te godase objektivin. Doja menjehere ta ndaja me te tjere, por thashe: prit, eshte gjithmone me mire te lexosh origjinalin por jo te gjithe e kuptojne lehtesisht anglishten dhe ky artikull duhet lexuar nga sa me shume persona. Ja disa prej gjerave me te rendesishme:

Sigurisht, YouTube, Flickr, WordPress, Blogger etj jane te gjithe te rendesishem per te publikuar materiale. Por Twitter ofron boshtin, qellimin per te nderlidhur te gjitha aktivitetet online te dikujt per te krijuar nje rrjet publikimi ne kohe reale, me protagoniste vete njerezit. Kjo po ndryshon fortesisht natyren e medias.

Mediat e reja po shnderrohet gjithmone e me shume ne “shared media”. Dikush krijon nje tweet, ndoshta me nje link qe con tek nje histori: cfaredo ai te publikoje ne rrjetin e tij, mund ta publikoj edhe une. Ne Twitter, natyrisht, kjo quhet ReTweet.

E sigurt, ne te shkuaren mund te dergoje nje e-mail ose te telefonoje nje mik per t’i sygjeruar nje lajm apo nje spektakel televiziv; por tani, brenda pak sekondave, mund te ndash keto informacione ne rrjetin tend, permes Twitter ose Facebook, me dhjetera, qindra, biles mijera njerez. Nuk eshte me media ime; “it’s our media, and we can all broadcast it”.

Me pare njerezit quanin “lajm” cfare publikohej nga New York Times apo CNN. Ne terrenin e mediave te reja kriteret per te vendosur cfare eshte e rendesishme per njerezit nuk krijohen me nga pak media te medha, por gjithnje e me teper nga flukse te vogla si ti dhe une qe vendosin se per cfare te flasin. Gjithmone e me teper, shume “te vegjel” te vene bashke po behen me te fuqishem se nje grup “te medhenjsh”.

Mediat po behen edhe me personale. Njerezit presin qe rrjeti i tyre te perbehet nga individe me personalitet, jo vetem burime te thjeshta lajmesh. Duam te dime rreth personit qe raporton po aq sa duam te dime per gjerat e raportuara. Te publikosh eshte kthyer me shume se kurre ne nje akt personal, pasi perdoruesit kerkojne lidhje jo vetem me materialet apo lajmet por me njerezit.

Nderkohe qe te gjitha faqet online qe publikojne/shperndajne informacion jane te nevojshme, te kesh nje bosht qe i bashkon te gjitha eshte nje ndihme. Boshti me i natyrshem qe kemi ne dispozicion sot eshte Twitter, qe sillet si nje shesh qendror ne te cilin gjithkush mund te publikoje apo linkoje cfaredolloj materiali, qofte ky nje mendim i shkurter, artikull nga nje blog, nje video qe ka krijuar apo nje artikull qe ka lexuar.

Eshte pikerisht ky rrol qe ka krijuar ndryshim me te madh e me te thelle ne media pergjate brezit tone. Ku do te shkojme askush s’e di, por deri tani eshte mese e qarte se kjo levizje po e ben boten e medias te jete shume me pak e centralizuar dhe gjithnje e me te drejtuar prej njerezve. Eshte nje tjeter bote: Jemi te gjithe publikues tani dhe fytyra e re e medias, je ti.

Nuk ka artikuj te ngjashem!

Listat ne Twitter: Redaksia JOTE e gazetareve real-time

Indrit Maraku — Thu, 05 Nov 2009 11:00:50 +0000

Mbi funksionimin dhe impaktin e listave ne Twitter kam shkruar edhe me pare. Gjithsesi, do te shtoja edhe nje tjeter element, ndoshta me te rendesishmin.

Rreth 25 milione “tweets” (ose “cicerima”, sic quhen mesazhet ne kete platforme) publikohen cdo dite dhe shpesh eshte e pamundur te ndjekesh te gjithe e gjithcka. Ja, atehere, kush eshte roli me i rendesishem i listave: nje koleksion njerezish dhe burimesh te grupuar ne baze te nje teme.

Problemi i informacionit te tepert zgjidhet keshtu me nje tip te ri redaktori: nje “real-time Web curator”, sic e quan Pete Cashmore ne rubriken e tij mbi social median ne CNN.com.

Tashme pjesa me e madhe e gazetave ne Twitter ofrojne nje liste te stafit te tyre. Mjafton te shikosh ate te CNN International, per te krijuar nje ide. The Huffington Post eshte shtyre edhe me tutje duke i vendosur listat brenda ne faqe per te lejuar nje axhornim ne kohe reale.

Por gjenialiteti i listave ne Twitter qendron ne faktin se te gjithe ne mund te krijojme redaksine tone te gazetareve real-time. Ne vend qe te ndjekim listen e gazetareve te nje gazete, mund te zgjedhim qe persa i perket politikes, kronikes, ekonomise apo sportit te grupojme ne nje liste gazetare nga media te ndryshme: thjeshte me te miret per secilen kategori. Redaktoret jemi ne dhe mund te bejme cfaredolloj kombinimi.

Per te qene i sinqerte, qe kur opcioni i listave u aktivizua ne te dy profilet e mia ne Twitter, nuk kam ndjekur kurre asnje liste por i kam krijuar ato, duke zgjedhur personalisht burimet ne baze te interesave te mia. Keshtu, ne profilim tim ne italisht kam 3 lista: Journalists-Journalism, Twitter-Related dhe Web-SocialMedia. Ndersa ne profilin ne shqip kam krijuar nje liste me disa blogger shqiptare qe me pelqen t’i ndjek: Alb-Bloggers.

Me sa duket shkon pikerisht ne kete drejtim edhe vendimi i Google News i cili qe prej dites se djeshme ka mundesuar krijimin e kategorive personale ne baze te temave qe deshirojme.

Pervec atyre klasikeve (dhe disi te merzitshme) si “Bota”, “Ekonomi”, “Defrim” etj, mund te krijohen kategori te reja thjeshte duke u dhene nje emer e duke vendosur ne parametrat e kerkimit disa fjale kyce qe, normalisht, do te ndikojne tek rezultatet.

Opcioni i ri aktualisht eshte i disponueshem vetem ne Australi, Kanada, Indi, Irlande, Zelanden e Re, Britanine e Madhe dhe Shtetet e Bashkuara.

Per t’u kthyer tek listat, ju si i perdorni? Nese keni krijuar ndonje te tille, e nese deshironi, publikoheni tek komentet.

Nuk ka artikuj te ngjashem!